ÐãÉ«Ö±²¥

Nodwedd arbennig o'r rhaglenni LLB ym Mangor yw'r amrywiaeth o fodiwlau dewisol. Yn ogystal â’r modiwlau gorfodol, cewch gyfle i ddewis modiwlau mewn pynciau megis cyfraith chwaraeon, cyfraith y cyfryngau, y gyfraith a thechnoleg a’r gyfraith a materion cyfoes. Mae cael cyfle i ddewis modiwlau yn eich galluogi i ehangu eich gwybodaeth ac ennill gradd LLB sy’n edrych ar feysydd newydd o’r gyfraith, sy’n rhywbeth y mae cyflogwyr yn chwilio amdano fwyfwy.

Mae’r radd LLB yn cynnwys paratoad at arholiadau cymhwyso cyfreithwyr. Mae hyn yn golygu bod manyleb y modiwlau gorfodol yn cyd-fynd â’r hyn sy'n ofynnol yn yr arholiad cymhwyso cyfreithwyr. Ond mae pob modiwl wedyn yn mynd ymhellach i drafod pynciau yn y dyfnder sy'n ofynnol ar gyfer astudiaeth lefel gradd. Mae hyn yn golygu eich bod yn cael y gorau o ddau fyd, gradd academaidd sy'n sicrhau bod gennych y wybodaeth ymarferol sydd ei hangen arnoch i lwyddo os byddwch yn dewis dilyn gyrfa yn y gyfraith ar ôl eich gradd.

Mae myfyrwyr LLB ÐãÉ«Ö±²¥ yn mynd ymlaen i ddilyn amrywiaeth eang o yrfaoedd cyfreithiol a gyrfaoedd eraill. Mae ein rhaglen radd LLB yn eich paratoi at yrfa lwyddiannus drwy gyfuno theori ag elfennau ymarferol. Mae ein hystafell ffuglys ar y campws yn galluogi myfyrwyr i ymarfer sgiliau ffuglys ac ennill y sgiliau ymarferol sydd eu hangen i weithio mewn llys.

Ar ôl graddio, mae rhai o’n graddedigion wedi ymgymryd â chontractau hyfforddi mewn amrywiaeth o gwmnïau cyfreithiol, yn cynnwys cwmnïau cyfreithiol rhyngwladol yn Llundain a chwmnïau rhanbarthol a mwy lleol. Mae rhai wedi dilyn gyrfa yn y Bar. Mae eraill yn dewis gyrfaoedd mewn meysydd eraill, gyda graddedigion yn dod yn weision sifil, neu’n gweithio mewn sectorau eraill gan gynnwys yr heddlu, cyfrifyddiaeth, neu'r lluoedd arfog.

Mae'r gyfraith ym Mangor yn gymharol fach o gymharu ag ysgolion y gyfraith eraill yn y Deyrnas Unedig. Mae hyn yn golygu bod gennym gymuned glos iawn yma. Byddwch yn dod i adnabod yr academyddion yn dda yn ogystal â’r myfyrwyr eraill ar y cwrs. Mae dewis y Gyfraith ym Mangor yn golygu y byddwch yn cael cyfleoedd i gymryd rhan mewn lleoliadau gwaith, ffuglysoedd a gweithgareddau eraill megis teithiau maes a darlithoedd gwadd. Mae gennym hefyd Gymdeithas y Gyfraith yma i fyfyrwyr y gyfraith sy'n cynnal digwyddiadau trwy gydol y flwyddyn gan gynnwys eu dawns eu hunain.

Yn ogystal â darparu sylfaen ar gyfer gyrfa yn y gyfraith yng Nghymru a Lloegr, mae’r LLB tair blynedd yn y Gyfraith, a’n graddau LLB pedair blynedd sy’n cyfuno’r gyfraith ag iaith Ewropeaidd yn cael eu cydnabod at ddibenion proffesiynol gan Gyngor Bar India. Gall myfyrwyr o awdurdodaethau eraill fel Canada a Nigeria gael LLB ÐãÉ«Ö±²¥ wedi ei gydnabod gan y cyrff proffesiynol yn eu gwledydd. Mae hyn yn golygu bod LLB ÐãÉ«Ö±²¥ yn denu myfyrwyr o bedwar ban byd gan greu corff myfyrwyr amrywiol.